មណ្ឌលគិរី÷ដោយអនុវត្តន៍តាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ។ នៅព្រឹកថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦នេះ លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី។ បានអញ្ជើញជាអធិបតី បើកកិច្ចប្រជុំបូកសរុបលទ្ធផលការងារប្រចាំ ខែឧសភា ឆ្នាំ២០២៦ និងលើកទិសដៅអនុវត្តការងារបន្ត នាខែខាងមុខរបស់ស្នងការដ្ឋាននគរបាលខេត្តមណ្ឌលគិរី។ ក្នុងកិច្ចប្រជុំនេះ មានការអញ្ជើញចូលរួមពី លោក លោកស្រីស្នងការរង លោកនាយ នាយរងការិយាល័យជំនាញ លោកអធិការនគរបាលក្រុងស្រុកទាំង៥ លោកមេ បញ្ជាការវរសេនាតូចនគរបាលការពារព្រំដែនគោកទាំង២ លោកមេប៉ុស្តិ៍ច្រកទ្វារទ្វេភាគីទាំង៣ និងលោកនាយប៉ុស្តិ៍នគរបាលរដ្ឋបាលទាំង២១ ឃុំ សង្កាត់។ ជាកិច្ចចាប់ផ្តើមបើកកិច្ចប្រជុំលោកឧត្តមសេនីយ៍ទោ ឡោ សុខា ស្នងការនគរបាលខេត្តបានអនុញ្ញតិឲ្យ លោកវរសេនីយ៍ឯក ម៉ិញ ឈុន នាយការិយាល័យសរុបផែនការឡើងអានរបាយការណ៍សង្ខេបស្តីពីលទ្ធផលការងារប្រចាំខែឧសភា ឆ្នាំ២០២៦ និងលើកទិសដៅអនុវត្តន៍ការងារបន្តនាខែខាងមុខ ។ ទន្ទឹមនិងគ្នានោះផងដែរ លោកស្នងការក៏បានអនុញ្ញាតិឲ្យ លោកនាយការិយាល័យកិច្ចការប៉ុស្តិ៍លើកឡើងស្តីពីលទ្ធផលការងារ ដែលបានចុះត្រួតពិនិត្យនៅតាមបណ្ដាប៉ុស្តិ៍នគរបាលតាមបណ្តាអធិការក្រុងស្រុកទាំង៥ សក្តីពីលក្ខណៈសម្បត្តិទាំងប្រាំទៅលើគោលនយោបាយភូមិឃុំសង្កាត់មានសុវត្ថិភាព។
-បន្ទាប់មកលោកឧត្តមសេនីយ៍ទោ ឡោ សុខា ស្នងការនគរបាលខេត្ត បានមានប្រសាសន៍បូកសរុបលទ្ធផលការងារប្រចាំខែឧសភា ឆ្នាំ២០២៦ និងបានដាក់ផែនការទិសដៅការងារចាំបាច់មួយចំនួន សំរាប់គ្រប់តាមបណ្តាការិយាល័យជំនាញនិងតាមបណ្តាអធិការនគរបាលក្រុងស្រុកទាំងប្រាំ និងប៉ុស្តិ៍នគរបាលរដ្ឋបាលទាំង២១ ឃុំសង្កាត់យកទៅអនុវត្តការងារបន្តនាខែខាងមុខមានដូចខាងក្រោម÷
១-លោកស្នងការបានដាក់ផែនការការងារមួយចំនួនឲ្យលោកនាយការិយាល័យទាំងអស់ព្រមទាំងអធិការក្នុងស្រុកទាំង៥ វរសេនាតូចការពារព្រំដែនគោកទាំង២ និងប៉ុស្តិ៍ទាំង២១ ត្រូវធ្វើបច្ចុប្បន្នភាព ត្រួតពិនិត្យកម្លាំងនៅតាមបណ្តាការិយាល័យជំនាញនិងតាមបណ្តាអធិការក្រុងស្រុកនិងវរព្រំដែនឲ្យបានច្បាស់លាស់និងហ្មឺងម៉ាត់ជាទីបំផុត។
២-អធិការនគរបាលក្រុងស្រុកទាំង៥ បន្តជម្រុញឲ្យប៉ុស្តិ៍នគរបាលរដ្ឋបាលទាំង២១ ឃុំសង្កាត់ត្រូវខិតខំជម្រុញនូវ ការងាររបស់នគរបាលក្នុងសហគមន៍បន្តចុះសហការជាមួយអជ្ញាធរមូលដ្ឋានក្នុងការចូលរួមធ្វើវេទិការសាធារណៈនិងលក្ខណ:សម្បត្តិទាំង៥ ស្តីពីគោលនយោបាយភូមិឃុំសង្កាត់មានសុវត្ថិភាព នៅតាមបណ្តាមូលដ្ឋាន។ ៣-ត្រូវធ្វើបញ្ជីរត្រួតពិនិត្យមន្រ្តីសកម្មនិងការងារ និងត្រួតពិនិត្យទៅលើមន្រ្តីនគរបាលដែលអសកម្មក្នុងការងារអោយបានច្បាស់លាស់ត្រូវមានការលើកទឹកចិត្តនិងផ្តល់រង្វាន់លើកទឹកចិត្តដល់មន្រ្តីនគរបាលដែលខិតខំបំពេញការងារជូនអង្គភាពបានល្អ។
៤-ត្រូវខិតខំនិងយកចិត្តទុកដាក់និងផ្តល់ជូនជាថវិកាដល់មន្រ្តីនគរបាលដែលកំពុងសំរាកព្យាបាលជម្ងឺនៅតាមគេហដ្ឋានឬកំពុងសំរាកព្យាបាលជម្ងឺនៅតាមមន្ទីរពេទ្យ ត្រូវមានការចុះសួសុខទុក្ខលើកទឹកចំពោះមន្រ្តីនគរបាលដែលកំពុងសំរាកព្យាបាលជម្ងឺ។
៥-ត្រូវពង្រឹងបង្ការនិងបង្រ្កាប បទល្មើស ល្បែងសុីសងគ្រប់ប្រភេទ ដោយផ្អែកទៅលើគោលនយោបាយភូមិឃុំសង្កាត់មានសុវត្ថិភាព។
៦-ត្រូវយកចិត្តទុកដាក់រាល់ម៉ោង ប្រចាំបញ្ជារឲ្យបានត្រឹមត្រូវតាមវេលាម៉ោងធ្វើការក្នុងគោលបំណងរក្សាសន្តិសុខសណ្តាប់ធ្នាប់ និងសុវត្ថិភាពជូនប្រជាពលរដ្ឋនៅតាមបណ្តាមូលដ្ឋាន។ មុននិងបញ្ចប់ លោក ឧត្តមសេនីយ៍ទោស្នងការ សូមអោយកងកម្លាំងទាំងអស់ទទួលបាននូវសុខភាពល្អ និងពុទ្ធពរទាំងបួនប្រការគឺ អាយុ វណ្ណៈ សុខៈ ពល: កុំបីឃ្លៀងឃ្លាតឡើយ ៕
- Monday, June 15, 2026
